"ASMANJAS"

                          (i)

Zindagi hai kyun itni veeran…

Ki  raah nazar nahi aata.

Logon ki bheer me….

Apna aap nazar nahi aata.

Jo samajh sake mujhko…

Wo saath nazar nahi aata.

Kyun chhaya hai yeh ghanghor andhera…??

Ki  ab to raat nazar nahi aata.

 

Subah hui…par raoshni abhi tang hai,

Palken uthi..par aankhen abhi  band hai.

Waqt ke saath kadam to badh jate hain…

Main peeche kahin  chhoot jata hoon,

Khwab mere nazaron se  door khade…

Dhund gehrai hai itni….

Ab inhe dekh nahi pata hoon.

  

                 (ii)

Suna hai zindagi do pal ki kahani hai,

Parajay dekh parajit ho….

Nirarthak wo jawani hai.

Jalega  yeh  jitna..khoon hoga utna hi surkh,

Katra katra hokar ek bahega jab ragon me,

Karega  iraadon ko aur durust.

 

Agar  aasman hai aankhon  me,

Pehle avni par paon jamao.

Duniya hogi kadmon me…..

Agar khud par vijay pao.