"AAGAAZ"

Aaj aasman laga kuch kareeb sa...                             

Udne ko maine par failaye hain,

kanak-zanzeeron ko tod diya ab...

Neel-gagan k chadar par maine khab 

sajaye hain.

                                                                                 

Shayad gehri neend soya tha ab tak,                                                                                 

Hazaaron khayalon beech akela...

khoya tha ab tak.

Bhor hui hai ab jab..

Mat karo meri udaan rokne ki koshish,

Ungliyaan jal jayengi..gar hai chingari

se khelne ki khwahish.

Saahil sameep baith...kiya bahut aaram,

Ab in pairon ko zara bheegane do.

Laga kar gota beech samandar,

Moti chun ab lane do...

Shabnam bankar khel raha tha 

prasoon-pallav ki god me...

Ab zara zakhmon k rubaroo aane do.

Jo kaid hai ragon me ab tak,

Aazad ho us khoon ko...

Indradhanush me mil jane do.

Aaj aasman laga kuch kareeb sa,

Udne ko maine par failaiye hain...